الشعر كنه طيـر ولسانـي أسبـوق

الشعر كنه طيـر ولسانـي أسبـوق
وصعب القوافي في عيوني حبـاري
تصف لي طابـور واسوقهـا سـوق
وأختار من جزله واحـدد مسـاري
ماأقطع جريد أقطع من نخيله أعثـوق
وأطلع بهـا لسهيـل وسهيـل داري
والأرض طولوعرض تحتي وانا فوق
وأكشف بحرها مع هضاب الصحاري
عالي وأخايل كـل مالاحـت بـروق
وأليا جذبني بارقـه جيـت سـاري
شاعر واعسـف القـاف لـه سـوق
السوق جمهـوري ويرفـع شعـاري
لين تداول بيـن عاشـق ومعشـوق
يصبح سهـم مابيـن بايـع وشـاري
لاصفقـوا متذوقينـه هـل الــذوق
كنه يقول أنـك عـن الحـال داري
هب الهوى والقلب لاهـزه الشـوق
هزت غصونه مـع نيـاح القمـاري
ترى الغلا له موق والعاطفـه مـوق
والمـوق كتلـه ماتعـوض بثـاري
وعواطفي تغلب عاى المـخ وتفـوق
تبـدأ دلـع حتـى أتولـع أجبـاري

صح لسانك

وتقبلي مروري

افلاجي كتب:صح لسانك

وتقبلي مروري

مشكور افلاجي نورت صفحتي
ومرورك مقبول